منتديات المغايره الرسمي http://almaghairah.com/vb/ This is a discussion forum. Ar Sun, 20 May 2012 08:23:02 GMT vBulletin 60 http://www.almaghairah.com/vb/almaghairah/misc/rss.jpg منتديات المغايره الرسمي http://almaghairah.com/vb/ ابيات للشاعر بدر بن زريبه عن تويتر ومجارات عدد من فطاحله الشعر http://almaghairah.com/vb/showthread.php?t=4614&goto=newpost Tue, 24 Apr 2012 20:01:01 GMT ( أبيات تويتر ) للشيخ الشاعر بدر بن مناحي بن جدي بن زريبه ورد الشاعر فرح بن سهيل الجذع والشاعر معدي بن نجر الغنامي والشاعر عيد بن سهيل الجذع...
ابيات للشاعر بدر بن زريبه عن تويتر ومجارات عدد من فطاحله الشعر

( أبيات تويتر )

للشيخ الشاعر بدر بن مناحي بن جدي بن زريبه
ورد الشاعر فرح بن سهيل الجذع
والشاعر معدي بن نجر الغنامي
والشاعر عيد بن سهيل الجذع
والشاعر بدر ناصر الشغار
والشاعر ماجد بن مطر العضياني
والشاعر حمدان العضياني

وقد جاراها الكثير من الشعراء منهم الشاعر الكبير ناصر بن سلطان الشغار
والشاعر الكبير فالح بن فويز الشيباني
وغيرهم من الشعراء


البدايه بدر بن زريبه


جلساتهم كانت على هبت الريح ... فلة حجاج وضحك يابوحبيتر
مار الحرار الشقر صارت تماسيح ... يفور واحدهم سوات الاديتر
يا فلان وشلون الرجال الطحاطيح ... تبحث خوافيهم سوالف تويتر

مجاراة الشاعر فرح بن سهيل الجذع

اهلا عدد وبل السحاب المراويح ... ياللي دعست الفرمله والسليتر
ترا القرنبع مانفع فيه تصليح ... لذع البواجي خرب الكربريتر
والشيخ لو كبر وزاد التسابيح ... والعلم حسمه عند رايس وبيتر

ومجاراة الشاعر معدي نجر الغنامي

يامرحبا عداد ماينبت الشيح .. وعداد مافي النار نقدح بليتر
انا بعصر القاف لين انه يسيح .. دمه وياصل لين عرق الابيتر
//الوقت ذى كثرو به اهل المسابيح .. وكلن معه سبحه وعنده مويتر

ومجاراة الشاعر عيد سهيل الجذع

يامرحبا ببيات كل المفاليح=عضد اليمين اكرام مافيهم ايسر
وبعض البيوت اتطير ون هبت الريح=وبرد الشتاء مافاد فيه السويتر
واليوم ربع الناس وسط المراجيح=ويزعم يبا العليا لكنه وقيشر

ومجاراة الشاعر بدر ناصر سلطان الشغار

مادام أبه مغزا ومعنى وتلميح *** والحشر صار بزاويه نصف ميتر
يرحم زمانك يالعطاوي شليويح ** وفي هالزمن رقص وغنا وأوبريتر
والقاف قفل مير جبت المفاتيح *** وبثي خبرها ياوكالة رويتر


ومجاراة الشاعر ماجد بن مطر العضياني

يابو مناحي يابعيد المشاويح / أعجبني المبدا على القاف الأيتر
جيتك بلا دعوة ومعي التصاريح / من سيفي الباتر ماهوب البويتر !!
اليا حضر للشعر بدع وتراديح / الهاجس البارد يوصل بهيتر ..
واللي يطبّ تويتر مع السواريح / لا أظلم عليه الليل عوّد فويتر !!
فيها بعارين ٍ تهادر قواريح / والحشو الأوحيمر يعود أوغيتر ..
وفيها سواليف النشاما لواقيح / والريح يحسب قوها الانميتر !!

رد الشاعر حمدان العضياني

يابدرياشيخ الرجال الزحازيح=دنياك هاذي لعبة تشيك بيتر
تذبح مواقيف الرجال الذوابيح=واللي ورث عنترعيال الابيتر
والعلم اله ورشة صيانه وتشليح=والقاف اله شاعروللطبخ ويتر


تشيك ويتر:لاعب معروف

الابتيتر فرسان من قبيلة بني رشيد

ويتر الطباخ الماهر


المصدر: منتديات المغايره الرسمي

hfdhj ggahuv f]v fk .vdfi uk j,djv ,l[hvhj u]] lk t'hpgi hgauv

]]> منتدى الشعر الشعبي سفير الهيلا http://almaghairah.com/vb/showthread.php?t=4614